Нұр-Сұлтан қаласының Дін мәселелерін зерттеу орталығы Ұлы ойшыл Әл-Фарабидің 1150 жылдық мерейтойы қарсаңында «Мейірімді қала тұрғындары» атты Эссе конкурсының өтетінін хабарлайды.

Аталмыш Эссе конкурсының мақсаты – елорданың дарынды жастарына өздерінің шығармашылық ізденістерін және эссе жазу қабілеттерін көрсетуге мүмкіндік беру.

Конкурс мектеп оқушылары (8-11 сынып) және ЖОО мен колледж студенттері арасында өткізіледі. Қатысу ерікті түрде және тегін. Конкурсқа қатысатын жұмыстар мемлекеттік және орыс тілдерінде, қолмен жазылған нұсқада мектеп оқушылары кем дегенде А4 форматта 2 бет парақта, студенттердің жұмыстары кем дегенде А4 форматта 3 бет парақта қабылданады.

Қатысушылар эссе жұмыстарын еркін тақырыпта жібере алады (Әл-Фарабидің өмірбаяны; ұлы ойшылдың рухани мұрасы; Әл-Фарабидің ғылыми-шығармашылық еңбектері туралы; Әл-Фарбидің әлем ғылымына қосқан үлесі; Әл-Фараби идеяларының бүгінгі қоғаммен сабақтастығы).

Конкурс бойынша еңбектерді қабылдау а.ж. 17-27 қыркүйегі аралығында өтеді.

Еңбектерді тексеру, бағалау және орындарды анықтау процедурасы қыркүйектің 27-29 аралығында жүргізіледі.

Жеңімпаздарды марапаттап, сыйлықтарды табыстау іс-шарасы қыркүйектің 29-30 күндеріне жоспарланған.

Оқушылар мен студенттер арасында екі номинация бойынша

табысталатын жүлде қоры:

· 1 орын – ноутбук;

· 2 орын – планшет;

· 3 орын – смартфон;

· 10 ынталандыру сыйлықтары.

Конкурсты ұйымдастыру-техникалық және ақпараттық қамтамасыз ету үшін төмендегі байланыс құралдары жұмыс істейді:

· Байланыс телефоны: 8 708 837 53 54, 8 775 868 20 00.

· e-пошта: cipr_2013@mail.ru